Palautwasan sang hibubun-ot

Sa Kasakuon

2009-02-26T09:47:00.000-08:00

Sako gid sang mga nagligad nga mga inadlaw. Damo ubra kag mga ulubrahon pa, lubong gid. Cge amo lang ni anay :)

Ang Mga Kahapon

2009-01-30T18:47:00.000-08:00

Kita tanan may mga nagligad, nag ligad nga indi na naton gusto madumduman, gusto nalang kalimtan, kag ilubong nalang sa pinaka dalum nga parte sang aton nga kaisipan.

Kung kaisa, may mga hitabo kag mga bagay-bagay nga naga dala sa aton pabalik sa nagligad nga ato. Pero indi mo ini mapunggan, kutkoton mo pagid ang lulubngan sang hitabo. Kag magbalik ang tanan nga sakit. Bisan indi matugnaw ang kwarto, gakulurog ka sang katugnaw, gasaka halin sa punta sang imo tudlo sa tiil, pasaka sa imo ulo. Ang kaiinit, kaakig, pagdumot. Daw masululuka ka tungod lang sa tanan nga imahe nga gasulod kag ga andar sa isip mo nga daw pilikula.

Hay. Maayo man nga maka pautwas. Nag mayoayo man pamatyag ko.

Pulaw-Bugtaw

2009-01-30T11:36:00.000-08:00

Maayong kaagahon sa tanan. Kung may gabasa man sini or wala.

Siguro amo na ini ang pinaka piho nga paagi nga indi ko masal-an buangit kung ga-sugilanon ako sa akon lawas. Budlay na kung gakumod kumod ko di sa opisina out-loud di bala? Budlay man kuno gina aton-aton talang aton mga ginahibubun-ot. Kinanglan ta ang mga ini ipaut-was kung indi, mahimo na kuno cancer.

Gapanumdom ko kaina kung ano gusto ko isulat subong, ano nami ipautwas. Ang una ko nabatyagan (indi nadumduman) katuyo, kakapoy kag katalak-on(boring?).

Ngaa natuyo? kay nagpulaw lantaw BattleStar galactica samtang gahampang Need For Speed undercover. Siguro amo man ina ang rason kung ngaa kapoy ko. Natak-an ko kay gusto ko man mag pahuway, kay nakapoy kag natuyo ko. ????

Hitungod sa Multiply

2009-01-29T19:12:00.001-08:00

Dispensa sa maigo. hehe.
Sang mga nag ligad nga inadlaw, ga panginlugayawon ako sa mga sites sang mga contacts ko sa Multiply(http://12463.multiply.com). naga lantaw lantaw malang sang mga photo albums, pangita sang pwede nga ma imbita kag ma kuhaan litrato.

So amo ina, medyo natak-an kag medyo natingala lang ko ngaa nga kinaglan gid may music kada photo album abe? indi man related sa litrato?

Amo lang na ah.
Sa sunod ko naman nga pag kumod :)

Palaminhud

2009-01-28T18:06:00.000-08:00

Sa kalawigon sang pagpungko ko sa pulungkoan nga ini, nag palaminhud man ang akon nag pa-a. Amo ko na kalawig ga pungko.

Bawi-Uwak

2009-01-27T13:58:00.001-08:00

Uso na katama subong mag blog, kung si Godie (barkada ko) micro-bloggin. Halos kada minuto may oras mga tawo mag ilis sang status message ukon personal message sang YM/MSN/Facebook/Plurk/Friendster/MySpace. Tanan nga ginabatyag ukon ginapanumdom gina warag-wag.

Kung kis-a gakalipat lang siguro kita nga mintras na mitlang mo na, wala na ina bawiay. Kung may naka basa na, nakapilit na ina nga gin sulat mo sa agtang mo bisan diin ka mag kadto.

Maayong aga liwat!

Sin-o ako?

2009-01-27T13:36:00.000-08:00

Ako si Rage, ang mga naka kilala sa ako antes mag 1999 Red ang ha-yo ko. Nagtapos ako sang kurso nga Computer Science sa isa ka unibersidad sa Miag-ao.

Sa sini nga tinion ang ubra ko Application Developer siguro gin pa gwapo nga termino sang Computer Programmer. Kung sabado, kung kaisa maniniyot ang ubra ko para sa kasal, birthday kag kung ano lang.

Amo lang na anay. Maayong aga!

Pautwas #1

2009-01-27T06:43:00.000-08:00

Una sa tanan, wala gid ko ya talent mag sulat. Pasensyahanay lang ta. Gapangita kami sang ingalan sa gina conceptualize namon nga website sang classmate ko sang highschool, kag na kasandandad ko sa blog nga ini: palagpat.wordpress.com. Na inspire lang ko.

Teh try ko liwat mag blog eh, para di nako manumdom sang english grammar kag tagalog grammar. Hiltaglish(Hiligaynon-Tagalong-English) nalang nga blog.

Next blog nalang ko mapakilala. :D
Ayos man bords?